Nigerian actor and stand-up comedian, Okechukwu Anthony Onyegbule, aka Okey Bakassi say wetin dey pain am now na to see say Nigeria beta instead of politicians to dey give am moni.
The man wey dey make pipo laugh tok for Twitter on Tuesday say where hin mind dey now, na to see who go be the next president for Nigeria.
He tok say “To make Nigeria beta nai be my own now than any politician moni. If Nigeria dey good today, pipo like me go make moni from different part of the kontri with talent as e be before. #letsfixNigeria
“No vex if you dey curse me for social media and I nor ansa you, cus of the way I see politics. I dey put all my bodi for who go be the next president. I go follow you tok afta the election. Abeg nor vex for me. #ndiara #letsfixNigeria.”(sic)
Okey Bakassi say notin funny for the kontri situation again.
He say, “cus I dey act film, some pipo want make I do like say everytin dey okay for the kontri. I be comedian and notin funny again.”