$23m Moni Wey Abacha Gbaskele, US Wan Return Am To Nigeria



United States of America Govimet don sign agreement with Fediral Govimet of Nigeria to bring back $23million wey Abacha tiff comot from the kontri.

Yesterday for the office of Abubakar Malami Minister of Justice and Attorney General of the Fediration nai dem take sign the agreement.

The AGF tok say wey dem fit meet with US Department of Justice to tok make dem bring back this moni wey Abacha tiff nor be small meeting and plenty tok from Nigeria.

He say make pipo know say Oga Presido Buhari don already sign say make dem use the moni take do the Presidential Development Infrastructural Funds (PIDF) wey don already dey for ground, like the Abuja-Kano Road, Lagos-Ibadan Expressway and the Second Niger Bridge.

Even the US Ambassador to Nigeria Mary Leonard still put mouth for the mata say na the Department of Justice and the Fediral Bureau of Investigation nai seize this moni cus General Abacha and hin associates match line wey dem tiff this moni go US and UK.


Share On:

Add a Comment

Your email address will not be published. Required fields are marked *