500 Naija Pipo Lose Job As UAE Nor Gree Renew Work Visa


E pass 500 Nigerian pipo wey don lost their work and nor get wetin to do again, for four months now, sake of say United Arab Emirates nor gree give or even renew work visa for Nigeria pipo wey dey there.

Tori say many Naija gast come back, but plenti still dey believe say Abu Dhabi go change their mind.

UAE Ambasador to Nigeria, Dr Fahad AI Taffaq, say he nor hear anything about the matta from hin kontri.

Na when Taffaq welcome Chairmo of Nigeria pipo wey dey stay outside the knotri, Abike Dabiri-Erewa, for Abuja, for August, nai he take say hin shock to read say UAE ban Nigeria for social media, Taffaq come say “UAE nor get any bad belle against any kontri.”

But for phone on Wednesday, Mr Chukwudi Kalu wey dey stay for UAE, say he don give Nigeria Embassy for Abu Dhabi the list of the 500 pipo wey lost their job because say their visa don expire and them nor fit renew am.

Kalu say Fediral Goviment don use the embassy and NIDCOM talk with Emirati Goviment.

He talk say, “Issue dey with the two kontri and dem still dey resin the matta. E nor easy for Naijas here o, na more than 500 pipo nor get work so.”

“The one wey nor fit do again don come back to Nigeria, why some still get hope. The truth be say Nigeria pipo dey lost their work here.”

One activist for Dubai, Oluwatosin Fadoju say UAE dey use this style to punish Nigeria, and FG nor dey do anything.

He say, “pipo boku for street. Pipo dey get work but how you wan take work wey you nor get permit. We neva see Nigeria hand for the matta, make goviment shake bodi.

Talk persin of Ministry of Foreign Affairs, Mrs Esther Sunsuwa, say, “We neva hear anytin, but we go call our two office wey dey Abu Dhabi and Dubai to know if the tori legit, then we go know wetin to do from there.”


Add a Comment

Your email address will not be published. Required fields are marked *