Abuja-Kaduna Train: Terrorist give FG 7Days before dem start kill Passengers

The terrorists wey tiff pipo for the Abuja-Kaduna train don tell FG say na only seven days nai dem dey give FG to ansa dem or dem go kill all the passangers.

Dem say make govimet sharply release dem pikens wey dem kip for one orphanage for Yola inside Adamawa State.

The terrorist ogas folow Malam Tukur Mamu and Dan Iyan Fika,  the tokpesin of Sheikh Ahmad Gumi, tok for telephone.

The terrorists say FG stop say make dem nor use Abuja Kaduna train afta dem see their threaten for audio message wey dem the terrorist folow Malam Tukur Mamu tok about the attack.

Dem say dem nor nid moni. Say dem get resin why dem go do wetin dem do and untill FG ansa dem nobody for the place go come out alive even if e mean say dem the terrorist folow dem die.

Dem come still tell Mamu say, shebi the pinsure wey we send dem dey okay, that level go soon change.

The terrorists say the resin why dem choose Tukur Mamu for the audio message na sake of say the man nor dey fear for all the many times wey hin don folow Sheikh Gumi come the forest, and dem know say na hin go tok the message as e be and nor change anytin.

The leader of the group, Abu Barra say na cus security pipo arrest eight of dem children wey dey from one to seven years come go put dem for one orphanage for Jimeta for Adamawa wey sodjas pipo dey control.

Hin say the children name na Abdulrahman, Bilkisu, Usman, Ibrahim, and Juwairiyyah, and nai by force dem take karey the piken from dem mama hand go put for the orphanage.

The leader say until govimet ansa dem, then nor bodi go hear word for the kontri.

Share On:

Add a Comment

Your email address will not be published. Required fields are marked *