AFCON 2021: Tunisia win Naija 1-0

Tunisia don cross go quata-fina as dem dash Naija 1-kondo for Cameroun.

For the game wen be Eagle vesus Eagle, Tunisia Carthage Eagles sama Naija Super Eagles so te Super Eagles no fit recover again.

As the game enta two minutes, Wilfred Ndidi trowey one shot enter Tunisia side but e no fit shake their keeper.

For 16 minutes, Chukwueze Samuel make one crossing but Montassar Omar block am make e no reach Taiwo Awoniyi. The eagles end the first half 0-0.

Tunisia carry the game for second half as Youssef Msakni trowey shot enter naija net wen goal keeper Maduka Okoye no fit catch. Alex Iwobi come put pepper join am as ref dash am red card because he play rough.

After Iwobi comot for field, super eagles still try to do something with Moses Simon, Sadiq Umar and Samuel Chukwueze but e no work. The game we end for Tunisia-1 and Naija-0.

Share On:

Add a Comment

Your email address will not be published. Required fields are marked *