Airport Nor Fit Work For Kano As Workers Dey Vex



Aviation workers wey dey for Aminu Kano International Airport (MAKIA), Kano don close every where cus of the problem wey dey with dem FAAN and NAMA.

The flights dem wey don ready to leave Kano on Monday morning nor fit as Air Traffic Controllers nor gree work wey come make be say flight nor fit land or fly.

One airport official say AZMAN and Max Air wey suppose go Abuja and Lagos nor fit fly, and even afta passengers don go sitdon for plane nai dem tell dem to come down as Air Traffic Controllers nor gree work.

DailyTrust say the gbege between the two bodies start wey Nigerian Air Traffic Controllers Association (NATCA) close air navigation services for flights for inside and outside the Airport, cus of light wey NAMA nor gree give staff kwatas.

Na on Friday nai FAAN cut the light for NAMA staff kwatas cus dem neva pay light bill.

Insider say no be small pipo nai nor fit travel wey dey the airport as some fediral lawmakers, deputy govinors and some other pipo there dey try to solve the mata make dem fit fly.


Share On:

Add a Comment

Your email address will not be published. Required fields are marked *