Naija First Lady, Dr. Aisha Muhammadu Buhari don invite all presidential aspirants from different political parties to come for one meeting on Saturday for the State House Conference Centre, Abuja.
According to reports, the meeting na for Iftar and Iftar na d food wen dem dey chop after sunset to break fast during Ramadan.
She come tell the invitees say make dem no come along with their mobile devices, except their invitation cards when go serve as their entry pass.
Those wen don show interest to contest the 2023 presidential elections include Vice President Yemi Osinbajo; before before Vice Presido Atiku Abubakar; All Progressives Congress, APC, national leader, Asiwaju Bola Ahmed Tinubu; before before Governor of Anambra state, Peter Obi, and before before presidents of Senate, Anyim Pius Anyim and Bukola Saraki.
Others na the Governor of Rivers State, Nyesom Wike; him Ebonyi state counterpart, Dave Umahi; that of Sokoto and Bauchi States, Aminu Tambuwal and Bala Mohammed.
Before before Governor of Imo State, Rochas Okorocha; Minister of Labour and Employment, Senator Chris Ngige, plus others, son still show interest to contest the 2023 presidential elections.
But sha the directive wen the first lady give say make dem no come wit their phones no apply to the Vice President Yemi Osinbajo and other governors and ministers, when dey expected to mark present for the meeting.
The Special Assistant to the President on Media and Publicity, Office of the Wife of the President, Aliyu Abdullahi wen confirm the invitation, come talk say nothing dey here.
According to Abdullahi “This one na standard operational protocol for the Villa when dem dey get either of the three occupants of the Presidency.
He say “If them dey come for any event, e suppose dey DSS enforced.
“Whether the President dey get any event or the Vice President dey get any event or the first lady dey get any event; because outsiders go come.
He come talk say “That na the security and standard protocol.