Ajaokuta, Lagos-Kano Train services Go Stop First Cus Of Terrorist, NRC



Nigeria Railway Corporation say make Lagos-Kano and Ajaokuta train services stop cus of fear say terrorist go attack dem.

Different pipo for NRC and Ministry of Transportation nai tell Punch say train work nor go start for Lagos-Kano route and Ajaokuta train untill security for that side strong wella.

NRC stop to dey go Ajaokuta station wey dey along Warri-Itakpe route cus of attack wey some passangers get on Monday with gunmen.

While the Lagos-Kano train own na cus of the insecurity wey dey Niger and Kaduna states, and na that road nai the train dey pass from Lagos to Kano.

On Tuesday nai Fidet Okhiria, the NRC Managing Director, confirmate to PUNCH say dem don stop the Ajaokuta and Lagos-Kano train service for small time.

For the Warri-Itakpe route hin say dem neva stop to dey work but dem say dem nor go dey stop for Ajaokuta station again.

He say cus on Monday wey passengers dey comot from the station with dem own motor and public bus, pipo come dey shoot dem. So nai make dem nor go stop there for passengers again.

The train dey work but we nor go dey stop for Ajaokuta station for now. We hear say dem comot their king and local govimet chairman there.

He come say apart from Abuja-Kaduna route, NRC don stop Lagos-Kano route cus of insecurity wey dey Minna , Kaduna road wey the train dey pass to Kano.


Share On:

Add a Comment

Your email address will not be published. Required fields are marked *