Akeredolu: I Nor Gree With CDS Tok About Owo Killing Arrest



The govinor of Ondo State, Rotimi Akeredolu of Ondo State, yesterday say hin nor gree with wetin the Chief of Defence Staff, CDS, General Lucky Irabor, tok about the arrest of the pipo wey go kill church members for St Francis Catholic Church inside Owo, he say the Idris Ojo na from Kuje prison e run from.

The CDS say two of the pipo wey dey behind the plan of the terrorist attack na Idris Ojo wey be 32 years and Jimoh Ibrahim 39 years.

He still say dem catch four pesin for Eja inside Okehi Local Govimet Area for Kogi State wey dem hand dey for the attack for Owo Catholic Church and anoda attack for police station inside for Ada wey one olokpa die.

Akeredolu through him Chief Press Seke, Richard Olatunde, hin say: “The Chief of Defence Staff, Lucky Irabor make mistake for the announcement.

“We just get to know say security agency call Idris Ojo name join the pipo wey come attack Owo Catholic Church.

“Govinor Akeredolu know the katakata wey the tok don cause cus the attack for Owo happen before Kuje prison.

“Idris Ojo dey for nuba 14 of the pipo wey run from Kuje prison dem come arrest am for hin broad house for Akure, but Chief of Defence Staff, General Lucky Irabor come go mistake call hin name join the attackers.

“Na him broda Jimoh Ibrahim, nai take am put for house afta he run from Kuje Prison.

“Dem come arrest am join the pipo wey come attack Owo Catholic Church, nai make dem take mix am join dem.”

Share On:

Add a Comment

Your email address will not be published. Required fields are marked *