Another Blow For Nollywood As Actress Die For Warri

 

 

Tori don reach Kpoko FM ear say Ada Ameh, the one wey pipo know wella for Nollywood don die.

She die for Warri around 11 for night on Sunday, na wetin one insider tok on Monday morning, but say make dem nor call hin name.

Ameh bin come  Warri cus of one oil company toyshop wey invite her, and she dey with the man family wey she just fall for ground die.

Many pipo wey dey act film just dey rush go the place wey she take die to see her deadi bodi on Monday.

Ada Ameh, pipo get to know her afta she act as Anita for ‘Domitilla’ film for 1996, pipo still know her for the Johnsons series acting play for tv as she dey always make pipo laugh.

Dem born her for May 15, 1974, inside Ajegunle, for Lagos.

Before the actress die she bin put video for Instagram wey she dey eat with the family pipo wey invite her come Warri around 12:53  for afternoon on Sunday, before she come dey die so.

 

 

Share On:

Add a Comment

Your email address will not be published. Required fields are marked *