APC Don Already Pay Me To Support Tinubu — Singer Portable



Habeeb Okikiola wey dey sing music and pipo know am as Portable say APC pay am to support Bola Ahmed Tinubu for 2023 presidential election.

On Wednesday nai portable post knew video for Instagram with the Govinor of Osun State, Gboyega Oyetola.

For the video he say make pipo vote for the govinor for the osun election wey go happen for July 16th.

For anoda video you go see the singer dey flaunt moni afta hin don meet the govinor for osun finish and na bag wey dem write osun state put nai dem take give am the moni.

As Nigerian pipo see the video naso dem dey paranoid for the govinor and portable.

Dem say Gboyega Oyetola, dey karey pipo moni wey dem take dey pay tax dey use as election moni.

E nor too tay the ZaaZu Zeh singer come do anoda video on Thursday wey hin take dey tok with Yoruba say the party don already pay am.

Portable say “One time like that dem pay me make I curse Tinubu, but e don tay sha. Now APC don pay me make i support Tinubu and I go support am. If dem pay you moni make you do work, do am well, now na Tinubu’s turn. I must to do work wey dem pay me for.”

As e still dey naw APC neva come out to tok weda the news na true or lie.




Share On:

Add a Comment

Your email address will not be published. Required fields are marked *