Army scatter 49 fake Refineries for Delta

Military pipo wey wey gum bodi with Operation Delta Safe for inside South-South enta some kind village for Delta State take go scatter like 49 fake refinery.

This one dey happen afta Minister of State for Petrol, Timipre Sylva and Chief of Defence Staff (CDS), Lucky Irabor, with oda pipo wey dey inside oil mata, go look one place for Rivers State where dem take dey tiff oil.

Cus of all this oil tiff tiff, Nigerian Upstream Petroleum Regulatory Commission, the bodi wey dey kontrol oil say, the knotri dey loss pass 115,000 barrels of oil every day cus of tiff and the ones wey go still go bust pipe.

For only 2019 42.25 million barrels of oil nai the knotri loss not to talk of the 53.28 million barrels wey don bin loss for 2018.

Govimet dey cry say the way dem dey tiff oil for Niger Delta don pass ordinary eye as other tins dey involve.

Share On:

Add a Comment

Your email address will not be published. Required fields are marked *