Oga President, Muhammadu Buhari dey beg ASUU make dem stop the strike wey dey on since cus of students.
Na on Thursday nai Presido take dey beg ASUU as dem dey do the 19th National Productivity Day and the conferment of National Productivity Order of Merit Award (NPOM) for 48 Nigerian pipo and organisations wey dey for both public and private side, onto the beta work wey dem don dey do.
Buhari say make ASUU resin students wey just dey house no dey do anytin, hin come still dey tell the student of govimet university say make dem relax as every tin go go well.
Hin say govimet dey try dem best to make sure say all this wahala of university end.
President Buhari tru the mouth of Femi Adesina, say hin don bin tell the Chief of Staff, Hon. Ministers of Labour and Employment, Education, Finance, Budget and National Planning to sharply bring ASUU come table make dem tok.
Oga Buhari say him administration know say any kontri wey wan beta must to know how to karey skool mata for head.