Atiku and PDP Govinor Dey Close Door Meeting Afta Tinubu Win

 

Presidential candidate for PDP, Atiku Abubakar, dey seriously do meeting with govinors of the party for Abuja.

The meeting start immediately afta Asiwaju Bola Ahmed Tinubu, the foma govinor for Lagos state and the National Leader of APC win the ticket of hin party.

Aproko from Daily Trust table show say the pesin wey go folow Atiku Abubakar as nuba two, dem go discuss am for the meeting.

Dem go still tok about different mata wey get to do with the constitution of Presidential campaign council, the way wey Tinubu don hold the ticket of APC and how PDP go take kolet pawa from APC hand for 2023.

Govinors wey dey the meeting na Bayelsa Govinor, Douyi Diri, Bauchi Govinor, Bala Muhammed, Rivers Govinor Nyesom Wike, and Benue Govinor Samuel Ortom.

Still folow join na Sokoto state Govinor Aminu Tambuwal and Oyo state, Seyi Makinde.

 

Share On:

Add a Comment

Your email address will not be published. Required fields are marked *