Bad guys kill security ma becos of Monday prayer wit Soludo

Pipo wey karey gun, don kill two security men as tori talk for St Joseph’s Cathedral Church inside Ekwulobia, Aguata for Anambra State, afta dem finish prayer.

Tori get am say the resin why dem kill the security men na cus of say dem folow govinor Charles Soludo go pray for church instead of dem to sitdon for house.

But talkpesin for the state olokpa, DSP Ikenga Tochukwu say na only one pesin nai die. Cus the bad pipo enta Aguata around 10:30 for night and dey shoot any how for the road before bullet con touch one of the security pesin.

Tochukwu say dem neva arrest any bodi but dem dey investigate how e take happen.

Pipo wey dey there wen the tin dey happen say police no corret say na only one pesin nai die for the shooting on Thursday wey don even put tension for pipo spirit. The pipo still say no bodi even stop the bad guys as dem show.

Dem say IPOB bin warn on Sunday say make any pesin nor come out on Monday come do prayer wey Soludo tok.

But the seke of IPOB, Emma Powerful, say na lie nor be the group nai do the shooting on Thursday.

Share On:

Add a Comment

Your email address will not be published. Required fields are marked *