Bandit to FG: folow wetin we tell una

Bandits wey go attack Abuja-Kaduna train, say dem go kill the pipo wey dem tiff if fediral govimet no give dem wetin dem want.

For the video wey the terrorist dem release on Wednesday nai dem take tok say fediral govimet know wetin dem dey ask for.

Inside the video, four bandits stand with the Mr Alwan Hassan, the Managing Director of Bank of Agriculture, one of the pipo wey the men dem tiff.

Dem tok for Hausa say na cus the MD don old nai make dem free am plus say dem dey Ramadan, and na front of one Armoured car, wey dem burn as dem attack the train nai dem stand put dey tok.

“Na we tiff pipo for inside the train. We just wan let this man go cus hin don old and we pity am cus of the Ramadan period too.”

“Govimet nor resin am o, na good we do cus we sorry for am.”

Then the bandits come tell oga MD to tok  “As I dey tell una so, na sorry dem sorry for me cus of my age. Dem say make I go but pipo boku wey still dey there and dem nid to come out quick. I just hope make govimet meet the head for this group so that dem fit free pipo,” Wetin the oga of Agric Bank, Hassan tok.

Anoda of the bandit come still tok “Una hear wetin hin tok, all na true. Make una nor try say na investigation una wan do or wan save the pipo cus for dem to die nor had us to kill. We nor want moni, we nor wan bin attack the train. Una know wetin we want,” Na from bandit mouth this one come from.

Share On:

Add a Comment

Your email address will not be published. Required fields are marked *