Bandits Don Tiff 20 Church Members For Kara

 

 

Like 20 pesin nai bandits don tiff early morning of today for Kara side wey dey between Lagos and Ogun State as dem dey come back from church.

The pesin wey bring the mata come out na one Mr Gbenga Obaleye wey be pastor and hin tok so for inside Facebook.

Obaleye say the mata na serious case and make police join with other security pipo to find the pipo wey bandits don tiff, he say hin nor believe say jaguda bandit don dey the area.

For wetin hin write for Facebook, the pastor say, “This one nor be mata of say pesin dey spoil anoda tribe, my church members dey go house afta camp meeting this early mormor around 5:30.

“Nai Fulanis come out from Kara where dem take dey sell nama, as we dey tok so, 20 pipo nai the bandits don karey enta bush.

“Some of my members run leave the motor come back, say nor be small shooting, all dem moni, laptop, ATM and phones don go.

The phone wey dem tiff wey don use am take trance where dem dey around 7 in the morning, abeg make police for Ogun epp us for that area, cus true true the bandits don enta every coner.”

Share On:

Add a Comment

Your email address will not be published. Required fields are marked *