Bandits don go attack farmers for different communities inside Birnin-Gwari LGA of Kaduna State then kill three pesin, tiff 22pipo, and okadas.
Na Ishaq Usman Kasai, wey be the chairman of Birnin-Gwari Emirate Progressive Union (BEPU) nai tell journalists on Monday say on Saturday 24th September, 2022 around 7:30pm, nai the bandits enta Hayin Gada Damari Community for Kazage Ward, kill Sanusi Zubairu and Kabiru Zubairu.
He say the bandit tiff 12 pesin and tiff from pipo shops.
“That same Saturday, anoda bandit group kill one pesin, tiff six pesin for FARM CENTER near Birnin-Gwari/Kaduna Road. The bandits come still tiff four pipo for Dajin JANGALI obtain three okada from farmers wey dey Kamfanin Doka area.”
“BEPU say e dey disturb dem as the bandits dey enta communities freely and tiff from pipo chop.”
“The Union nor go stop to dey call authorities to step up to fight terrorists for Birnin-Gwari LGA especially as e be say na this period dem dey do crop harvesting,” Wetin hin tok.