Bandits Waylay Ambulance, tiff 2 Pesin For Abia

 

 

Some pipo wey be bandits on Thursday block ambulance wey dey karey deadi bodi go Isuikwuato community for Abia State.

The tin happen around Umunneochi/Ihube Okigwe side of Enugu-Port Harcourt Expressway as the ambulance dey come from Abraka for Delta state before the tin take happen.

According to family source, the bandits wey karey guns waylay the motor for road, then drag the pipo wey dey inside come out, leave the coffin for inside the motor.

The family pesin wey tok with tori pipo say the deadi bodi na hin uncle wife, and the bandit tiff the deadi bodi woman daughter, one of dem relation and the driver of the motor enta bush.

He say the dead woman piken come fit run from the kidnap hand by luck but the driver and the other relative still dey with the kidnappers.

The source say make dem nor call hin name but dem don report the case to the Divisional Police Officer for Isuikwuato.

 

Share On:

Add a Comment

Your email address will not be published. Required fields are marked *