BEDC nor dey give us yeye bill, give us prepaid meter- Agbarho residents

Yesterday nai pipo wey dey stay for Agbarho, tell BEDC say dem nor go pay any moni untop estimate bill unless BEDC bring pre-paid meter come the community.

Dem enta the major  East-West Road, dey say dem nor go gree for wetin BEDC dey do, as the moni wey the community dey pay for light bill don too much, say if the company know wetin good for dem make dem nor come cut light again for there and stop the rubbishness of high light bill without meter.

Wey Agbarho Presido General, Chief Igho Odiphri dey talk to tori pipo, hin say,  BEDC nor dey even give dem light and naso dem go dey bring yeye big moni for the light. As Agbarho big reach, e nor get pre-paid meter and the community dey give energy for light.

“We come here to tell dem make dem give us 24/7 light for Agbarho. We nor go pay any yeye moni again. If dem nor give us meter, make dem nor try am to come climb any pole to cut light for here.”

“FG say make dem nor give bill untill pipo get prepaid meter. Pesin just show me hin bill of N41k for only one compound, wetin he dey use for the compound? BEDC una go hear word for this one.”

Share On:

Add a Comment

Your email address will not be published. Required fields are marked *