Bobrisky and Tonto Dikeh don Tear Rock

Anoda one don bust between Okuneye Idris Olarenwaju aka Bobrisky and hin foma bestie Tonto Dikeh, as Bob say Tonto nor know wetin dem dey call friend.

Na for Instagram nai Bobrisky take tear chain for wetin happen wey dem two dey for Dubai 2019.

“Na 2020 we take stop to dey tok before then na me be your heaven on earth.

“No be for Dubai nai police take arrest you cus you don drink and dey high with higbo, Tonto.

“I try to control you but you nor hear. Police for Dubai lock you for cell for two days.

“Nobodi know were dem take lock you. I dey cry dey call every bodi for Dubai to find where dem take lock you.

“Wey police las free you the second day, dem come kolect your phone and the higbo wey dem see for your hand den karey you go court.

“Na my phone I remove Sim give you so that you fit post pinsure so that Stella and blog pipo nor go laugh us.

“For the three months wey we nor fit go anywhere from Dubai, na me dey pay all the moni. Even your boyfriend nor dey gree pick your calls cus you dey give dem wahala.

“Wey pesin pay me make I do influence job for am, she vex say make I bring the moni back cus I dey Dubai with you and nor dey do her work.

“Three months na I dey with you for Dubai, you nor see me as bad pesin. Even all the gown wey I buy say I go wear for Lagos you start to wear dem and some even still dey with you.

“I give you 1milla to add to the moni wey Dubai police say make you pay cus dem catch you with higbo.

“Tonto, afta two months, your rent expire for Abuja, your piken nid feeding moni. We agree say afta the three months I go come Abuja to epp you pay the bills and I really come pay am.

“Even if me Bob do sometin wey bad, na so you suppose pay me? you nor be beta pesin nai make any man nor wan dey with you cus you to get bitterness for mind. How many friend fit do wetin I do for you?

“Anytime you dey go Abuja I go use my beta motor take escort you like say you be king or queen. Tonto you be real falling hand.”

But for Tonto side, she tok for Instagram say make pipo nor believe wetin Bobrisky write, say dem arrest her for Dubai cus she go dey video wetin she nor suppose video and come dey curse police for Dubai, nor be say she dey smoke higbo nai make dem arrest her.

Share On:

Add a Comment

Your email address will not be published. Required fields are marked *