Tension don dey rise like ijebu garri for Imo State afta Imo State Police Command summon the foma govinor of the state Hon Emeka Ihedioha; hin Deputy, Hon Gerald Irona; and the House of Representatives member-elect, Ikenga Ugochiyere.
DailyPost report tok say the police tell the Imo PDP Chairman, Engr Charles Ugwu, make he make sure say dem see the foma govinor and the odas on Thursday.
The letter na Ukachi Opara the Deputy Commissioner of Police nai sign am on Wednesday go give Ugwu, and make he make sure say the three pesin folow am come on the State Criminal Bureau of the police command on Thursday
Na on The request letter dated March 13, 2023 nai dem write the letter go give the PDP chairman with the title “Re: case of murder, kidnapping, and burning of property.”
“The office of State Intelligence Bureau for Imo State Police Command, inside the state headkwata, dey do investigation about some top members of Imo PDP.
“The Commissioner of Police want make you come with Emeka Ihedioha, Ugochinyere Ikenga Imo, Gerald Irona, to come for interview with the commissioner of police, through the officer in charge of State Intelligence Bureau for Owerri, the date na Thursday, 16th March 2023, by 10:00 sharp.”
Wey DailyPost call Collins Opurozor, the State Publicity Secretary for Imo PDP, he say the letter na social media he take see am and go check weda na true.