Boko Haram don ask for ransom for 52 people wen dem kidnap for  Adamawa state

 

Many weeks after Boko Haram badoo dem burst enter Kwapre community for Hong Local Government Area of Adamawa State with more than 52 members wen dem kidnap for the area, the jaguda dem don send one demand notice give the village head to either pay ransom of N28 million or lose the people wen dem kidnap.

The terrorists wen come gather confidence becos the community dey close to Sambisa Forest wen come make security agencies no dey fit get access to dem come still threaten say dem go dey collect tax from the community wen dem dey patrol anyhow now without any form of disturbance.

During the deadly attack wen happen for the community last month, the terrorists no only kpuff 11 members of the village, but them come still kpuff many houses and den tiff valuables wen belong to the people wen dey long side for d community.

 

Add a Comment

Your email address will not be published. Required fields are marked *