Boko Haram/ISWAP guys surrender give Naija Army


Based on the way wen troops of Operation Hadin Kai take dey continue to dey worry bad guys for the North East, Boko Haram and ISWAP terrorists, another six terrorists don surrender themselves today give troops for Borno State.

According to aproko wen reach us, as the terrorists notice say d troops dey work with the new operational order wen the Military High command arrange to take get them down, dem come jejely surrender themselves give troops of 134 Special Forces Battalion for Konduga.

You go remember say on Wednesday, plenty Boko Haram Terrorists (BHTs) and elements of Islamic State of West Africa Province (ISWAP) and their families, when dey pem for around the Sambisa forest surrender.

The source come talk say dem recover plenty weapons from the badoo dem including AK 47 rifles, General Purpose Machine gun and some locally fabricated Dane guns.

Add a Comment

Your email address will not be published. Required fields are marked *