Boko Haram Leader Wey Form as Gateman Don Enta DSS Hand For Ogun State



DSS say dem don arrest one Boko Haram Leader for Abeokuta inside Ogun State on Sunday.

Daily Trust tok say na for Ijaye side for Abeokuta nai dem take arrest the Boko Haram leader.

Dem say the Boko man nor gree make dem first arrest am untill DSS show am pawa.

Na for Sunday night nai DSS take go arrest the Boko man.

The terrorist come from Katsina to Abeokuta come dey do gateman work for Ijaye, while he eye dey for ground dey look area how the place be so that dem gang fit come attack.

One security pesin say the terrorist come Abeokuta so that hin fit get terrorists camp wey dem go take dey attack and tiff pipo for the state.

But with infor wey security get nai dem bust am for where hin dey stay come arrest am.

“E  nor easy. But the grace of God nai epp us. Dem still many wey we neva catch but we dey try our best to make sure say hand touch all of dem,” na wetin the source pesin tok.

The DSS tokpesin,  Dr Peter Afunanya and police public relations officer for the state, Abimbola Oyeyemi, dem two neva tok anytin about the mata.

Share On:

Add a Comment

Your email address will not be published. Required fields are marked *