Boys don roast craze wen dey use android phoneam for Ughelli

Men dey binu on Thursday for Ughelli, as dem catch one ritualist wey dey form craze. Pipo wey see say, na the way the craze dey use beta android phone for front of one primary skool wey pipo gada dey buy somtin nai make make dem wonder.

Some pipo try to go meet am, but the man quick komot the SIM card from the phone, swallow am come run komot there.

One man there say, Pipo first feel say e tiff the phone, but na wey he start to run come swallow the SIM, nai e clear say the man nor be mad man but ritualist. Dem catch am dey beat am make hin talk.

Oda pipo wey come jam wetin dey happen say Ughelli police don catch am before wey dem see am dey talk with pesin for phone, before hin swallow e SIM.

One okada man say two weeks back nai police arrest am with the craze, wey dem reach station dem see bank message for the mad man phone and the craze get pass N12 for hin hakant. The okada man say dem free am later cus e case na paper mata, he nor nor wetin happen to the craze case untill he dey see am here again so.

Naso guys burn the craze so that police nor go epp am again. DSP Edafe Bright police PRO confirmate the case.

He say, Yes dem burn one man die for Ughelli, but we neva know why dem burn am.

Share On:

Add a Comment

Your email address will not be published. Required fields are marked *