Minister of State for Foreign Affairs inside Nigeria, Zubairu Dada, open mouth tell tori pipo say Fediral Executive Council don say make dem use $8.5m take go karey 5,000 Nigeria pipo wey dey for Ukraine, Poland, Romania, Hungary and Slovakia.
The meeting wey dem do on Wednesday for Abuja na VP, Yemi Osinbajo nai lead am for Presidential Villa, Abuja.
Dada and Sadiya Farouk wey be Minister for how human being mata dey go, nai talk togeda say the moni wey FG gree to use take go karey the pipo, na afta the two ministry don give Council their own memo.
Dem talk say Air Peace and Max Air airoplane nai go use three of dem plane take go karey pipo come back.
Na today Wednesday dem go enta Romania karey 940 pipo, then 150 from Slovakia and 350 pipo from Poland wey don ready register dem name to komot.