Anoda one don happen again for Kaduna, as the State Police Command say some men wey karey gun don go kill Air vice-marshal Muhammad Maisaka wey don retire, for hin house for Ragasi, Igabi Local Government Area for Kaduna.
Police PRO, Muhammad Jalige nai tell News Agency of Nigeria (NAN) on Tuesday for Kaduna say dem don kill the man.
Jalige, say na early mormor on Tuesday nai the gun men take show, and even Maisaka’s gateman wound for the mata.
He say immediately dem hear, the Commissioner of Police, Mudassiru Abdullah say make Police sharply go reach to know wetin sup there.
“Dem don karey the dead bodi and the gateman go hospital,” We go know why this kind tin happen very soon.
Jalige say any bodi for Kaduna wey know wetin happen, make dem come out come talk so that e fit epp dem to arrest the men wey come shoot the vice marshal die.