The Govor of Kaduna State, Nasir El-Rufai, say na him tell President Muhammadu Buhari say terrorist dey plan to tiff am.
Na for Radio program wey Daily Trust monitor on Wednesday night nai the govinor say even him life and family nor safe again.
He say for five years naw, he don dey say make dem go bomb terrorist camp any where wey dem dey hide, say na that one be the only solution.
“I see video wey terrorist say dem wan tiff oga Buhari and me. Dem don tell me make I know how I dey do plus my family pipo. How we go dey kontri wey sojas, police, fediral govimet and terrorist go dey threaten president?
“If pipo before for govimet dey think say this one na joke and na only place like Katsina, Zamfara, Kaduna and Niger, nai e take dey happen, nor be so again as e done reach every bodi and we must get up to deal with this pipo. Nai make i meet president on Sunday come tell am wetin dey happen. I still tell am about the video cus he bin nor know about am. I tell am, then the next day nai Zamfara state govinor, Bello Matawalle, still tell am say he see the video too and dem get to do sometin.
“President tell me say hin don meet service chiefs 3-4 days before that time and tell dem say make dem deal with the terrorist. We just pray God say the sojas and police wey dem send fit do the work quick. We nor go wait make dem come strike us first before we ansa.
“Sojas must push the terrorist to deal with dem. The truth be say e dey worry awa mind the way security be for the kontri but we just pray make Fediral Govimet do the right tin.”