My body dey tire me for this work wey I dey do for 79yrs old man to dey work for eight hours nor be small tin, na the talk of presido Major General Muhammadu Buhari (retd) for NTA interview on Thursday.
Buhari say he nor fit wait make the 17months finish so dat hin go rest just like oda of hin mate dey rest.
“This na really big work o I nor go lie, but na me say I want am so make I nor complain.”
Buhari come still say “I don be govinor, I don be minister, and na my second time of president be this. I don enta everywhere, wetin I fit do for the kontri again? I don try well well and I hope say wey I komot Naija go look and say thank you.”
Wey Buhari talk reach were insecurity dey for southeast, hin say e don clear say dem dey get their weapon from the kontri here, cus even with the border wey dem close for Benin Republic and Niger dem still dey get weapon.” Na so oga Buhari talk.