Court don karey case go front for Super Tv oga wey die


Chidinma Ojukwu case wey dey court sake of say she kill Micheal Ataga Super TV oga, wey she lata say she nor kill, her case pause on Tuesday because wetin the lawyers wey dey say she kill Ataga bring, the evidence nor too clear.

Chidinma, Adedapo Quadri and Chioma Egbuchu, nai supose face Justice Yetunde Adesanya for Lagos State High Court wey dey for Tafawa Balewa Square inside Lagos State.

The case na say the evidence nor clear reach, plus some wey nor get volume or nor get interview wey dem bin don do before.

As the DPP dey talk,  “My lord,nor vex, we go send documents and videos this aftanoon.”

Busari, wey be one of the lawyers say, “This morning, nai dem give us new evidence, and e nor join the one wey dey before, so we nor know how e be.

“If we get am quick, we for fit readi for today case, as we nor even know wetin the prosecutor get for mind.”

Naso Justice Adesanya tell the lawyer wey dey with Ataga pipo, make dem give dem the evidence to look well.

The case don go November 11, 15, 16, and 17.

Friends and work pipo of Ataga dey the court when all this dey happen.

One of Ataga pesin, Donald Oleah, say “We dey pray make we get justice for this mata. We readi to folow this mata till the end, nor mata how many years e go take.”


Add a Comment

Your email address will not be published. Required fields are marked *