Court sentence Uduak Akpan to death for Iniubong wen im kill



One High court for Akwa-Ibom don sentence Uduak Frank Akpan, the person wen kill Iniubong Umoren to death. Na hang dem go hang am.

For the judgement wen last for two hours plus,Judge Bassey Nkakang say court see say Frank dey guilty of rape and murder so dem go hang am till e die.

You go remember say Uduak Frank Akpan deceive Iniubong Umoren comot for house with fake job interview,he con rape and kill her for April 2021 for Uyo. He later bury her for im family house where he take kill her.

For im confession,he say: “I first use condom take sleep with Iniubong Umoren,I con remove am as I no dey enjoy the thing. She con vex so I con pick stabilizer and box iron take nack for belle side,she con dey bleed. I nack am again,she con shout. I use her jeams trouser take strangle am die.”

As the judge dey talk Frank judgement, he con say “to use dangerous weapon like stabilizer and iron box take nack part of person body like head nana clear tin say the person fit die.”

The court see say Uduak-Abasi Frank Akpan dey guilty of rape and murder of Iniubong Umoren. The court con leave im papa, Frank Akpan and Sister, Bassey Anwan as e see say dem hand clean.

Share On:

Add a Comment

Your email address will not be published. Required fields are marked *