Ike Ekweremadu

Court Still Hold Ekweremadu For UK, Karey Case Go October

 

 

Central Criminal Court for UK don karey the case of foma Senate deputy president, Ike Ekweremadu go October 31st.

Ekweremadu and hin wife Beatrice nai dey face case for UK say dem karey pesin come the kontri to tiff hin kidney.

Na for 5 May 2022 nai the 21 years Nigeria young boy go report hinsef forĀ  Staines Police Station for United Kingdom say dem karey am come the kontri to remove hin kidney.

Police say, the guy reach Uk for 20th February 2022 nai dem karey am go Royal Free Hospital where dem take do test for am.

Na from there hin take run and nor get where to stay for three days before he come go Staines Police Station to report the case.

Remember say na for June 21 nai UK police take arrest Ike and Beatrice afta dem enta Heathrow from Turkey.

For July 27th nai the court give Beatrice Nwanneka, Ekweremadu wife, bail.

 

 

Share On:

Add a Comment

Your email address will not be published. Required fields are marked *