One High Court for Abuja don drop am for CBN bodi make dem kwatinue dem full policy for the monie wey dem change.
For the ruling wey the court give on Monday, the court stop CBN say make dem nor karey the date wey dem go take change the old monie go front.
Na CBN, Presido Muhammadu Buhari, and some other banks nai dey for the case.
The pipo wey karey the case go court na Action Alliance (AA), Action Peoples Party (APP), Allied Peoples Movement (APM), and National Rescue Movement (NRM).
Eleojo Enenche, wey be the judge tell CBN make dem nor karey the date go front untill the case go finish.
The judge still say make CBN, staff, agents, officers, and anybody wey dem hand dey for monie follow the order ontop old N200, N500, and N1000 before 10th of February, 2023, before dem go hear the case again.
This order go dey for seven days until dem go hear motion of notice for February 14.