Pipo don say na cult pipo kpuff One deadi bodi wen dem neva know who e be wey dey for Essi Layout for Warri South LGA.
KPOKO FM get to know say the deadi bodi dey there on Saturday and e be like na for night dem take delete am.
Eye wey see, say dem see am ontop hin blood with cutlass cut for hin front head and hand.
Cus the night of Friday nai pipo for the area dey hear many kurkurku sound of gun as cult boys dey fight for who get power pass.
Na last year na Eiye And Vikings fight for December wey one pesin die for Iyara Essi Layout. No bodi know weda na the gbege dem karey enta this year.
Even Police PRO for Delta State Command, DSP Bright Edafe, confimate the tori say na cult gbegé happen for the area.