Appeal Court for Abuja, on Monday karey the case against Sheriff Oborevwori make hin nor contest for 2023 election go August 8, 2022.
That day nai the appeal court go hear the order wey Fediral High Court give say na Olorogun David Edevbie nai be the real candidate of the party and make PDP karey hin name give INEC, so that e fit get all the right from the party.
As the court sitdon on Monday, Oborevwori lawyers change mouth for two of dem prayer and the court really comot the prayer 2 and 3.
The prayers na to say make the time for the argument go three days and the time wey dem go take ansa go seven days.
The court come still give leave to Oborevwori make hin fit see the notice and other tins wey Edevbie bring against am for court.