Delta State: Okowa pikin and odas don win PDP primary

Aspirant for Ika North/East House of Assembly for the 2023 general elections, Marilyn Okowa-Daramola, daughter of Delta State Governor, Ifeanyi Okowa, don emerge as the flag bearer under the Peoples Democratic Party, PDP.

The conductor Powell Tos declare Daramola, wen return unopposed, winner after the primaries hold for the constituency for Agbor with a total of 44 valid votes wen ad-hoc delegates tender.

Meanwhile Senator Ned Nwoko don win the PDP ticket for the Delta North senatorial district and then Senator Michael Diden AKA Ejele don still kpake the PDP ticket for Delta South senatorial distict after he beat three others.

Amori don collect the ticket for the Delta Central senatorial district primary under the platform of PDP wit 142 votes after he beat John Nani wen get 123 votes

The Member wen dey represent Ethiop East and Ethiop West Federal Constituency for the National Assembly, RT. Hon. Ben Roland Igbakpa don talk say with the influence of the before before Governor of the State, Chief James Onanefe Ibori as he take dey make sure say he no go back to the Green Chamber based on the huge support for him daughter, Eriatake Suenu Ibori against the wishes of the people of Oghara and the declaration of the result as 34/ 34 out of the sixty-eight delegates wen cast their votes for the constituency, he say wit dis one alone, he don win the election as the people don speak against godfather parol wen dey play for Ethiope and Delta State in general.

RT. Hon Ben Roland Igbakpa yarn dis one wen he dey raport wit news people for the Oghara Township Stadium for Ethiope West Local Government Area of Delta State, he come talk say the process dey peaceful and say all wetin dey left na for the party hierarchy to decide the next action when go dey satisfactory democratically.

He come tell him supporters to stand firm and say make dem dey steadfast say becos d battle never over yet until e don over.

Wen the before before Delta State House of Assembly member and Commissioner for d State come dey react as he dey answer questions from news people wen dem announce the results, he come talk say influence no get anything to do for the election say the before before Governor dey were im dey and the party still remain the people’s Democratic party for Delta State.

Governor Ifeanyi Okowa close parley and d before before Managing Director of the Delta State Oil Producing Areas Development Commission (DESOPADEC), Bashorun Askia Ogieh, on Sunday fail to pick the ticket of the Peoples Democratic Party (PDP) for Isoko Federal Constituency seat.

Na the immediate past Delta State commissioner for Power and Energy, Engr. Jonathan Ukhodiko nia beat Askia for the party primaries.

Ukhodiko get 33 votes to beat him closest rival, Askia, when score 23 votes.

While Askia get the support of Governor Okowa, Ukhodiko enjoy the support of the present member wen dey represent Isoko Federal Constituency, Hon. Leo Ogor.

For Ughelli North, Ughelli South and Udu Federal Constituency, Olorogun Talib Tebite, pick the PDP ticket after dem beat three others.

Also, the current member wen dey represent Warri Federal Constituency, Chief Thomas Ereyitomi, win the ticket of the PDP for the 2023 general elections.

Meanwhile, the present member of the Delta state house of assembly wen dey represent Ughelli North 2, Eric Oharisi, don lose to one councilor, Onoriode Agofure for the PDP house of assembly primaries.

Share On:

Add a Comment

Your email address will not be published. Required fields are marked *