Delta: We nor get road o- Oko community

Dr. Ifeanyi A. Okowa, Governor, Delta State [Image Source:Twitter@DSgovernment]

Pipo wey dey stay for Oko communities inside Oshimili South LGA for Delta dey beg Govor  Ifeanyi Okowa make he come do the road wey dem forget for Oko community

As the road nor good e dey make tins nor dey happen for there plus the pipo dey fear for insecurity. With wetin tori pesin see for there na really qwanqwan road and the pipo dey suffa put, but Govor Okowa nai bin say make dem do the road for 2018 but dem come regive am to Alcon Construction Company for 2021.

The pipo for the community dey vex as all the road nor dey allow dem do business, cus even for raining season dem get to pass through water from ontisha to reach dem community. Some of dem wey talk say na pure wickedness from govimet nai be this cus dem dey vote for govimet to sitdon for sit every time election come.

Mr Kelvin Nwabueze one of the community leader, say na so the road don bad for many years naw. He say the new contractor just pour sand for some side of the road, but for more than 6months naw dem neva see am again.

“We dey beg govinor make he tell the contractor make e go back to work before anoda raining season go start.”

As per to reach the State Commissioner for Works (Rural Road), Mr Solomon Golley, nor fit ansa the call wey dem call am.

But  Mr Charles Aniagwu the State Commissioner for Information say, govimet don komot the work for the contractor hand cus he nor dey do well.

Share On:

Add a Comment

Your email address will not be published. Required fields are marked *