Deltans hala as cooking gas price fly go up


People don continue to dey react becos of d way wen d price of Liquefied Petroleum Gas (LPG) wen every know as cooking gas take dey increase for the country.

Some Deltans when yarn wit Kpoko FM news man wen he go visit different gas station for Isoko and Ughelli come talk say na the regulatory bodies and the government nia get d blame cos according to dem, na these people nia dey make things dey tight for the ordinary man.

According to people wen dey around some of the gas station, them say na d different charges wen dey show from the regulators nia come force the marketers of the product to increase the price for their stations, and say na dis one nia come dey make consumers dey pay more for cooking gas, when the Federal Government say dey very ok.

The situation, according to the investigation, come make many Deltans and Nigerians especially the local mama food dem dey use firewood and sawdust take dey cook.


Add a Comment

Your email address will not be published. Required fields are marked *