Devil dey lie, notin fit scata us- Funke Akindele Husband

Abdulrasheed Bello wey hin name na still Skillz or JJC Skillz say tori wey dey fly say hin and im wife, Funke Akindele, dey get problem for dem marriage na proper lie.

Tori bin dey fly say the two of dem dey get problem for dem marriage afta Benito, actress Funke step son, on monday say the time wey hin dey with the actress nor just make sense for am.

Hin tok say, “You see this Funke, nor be wetin una dey see o, I folow her stay for two years and for that period I see fire.”

But JJC Skillz from London wey hin dey, say na lie for that kind tok. And he just wan come house and make any devil nor come put sand sand for dem soup.

Hin tok say “The only rock wey I know say nor dey shake na family. London bam but I dey miss house. Devil na yeye liar. @funkejenifaakindele, my love.”

“Enjoy yasef with awa pikens. I go soon see una for house. No alow any bodi dull you.”

Funke Akindele come still ansa her husband back “Darling, thank you. We too dey miss you.”

Share On:

Add a Comment

Your email address will not be published. Required fields are marked *