Do Law To Ban Public Officers Pikens To Go Skool For Obodo Oyibo- ASUU

 

 

The Academic Staff Union of Universities don say make dem do law wey go dey check the way public officers children dey go skool for obodo oyibo.

Na the chiarmo of the University for Niger Delta University, Wilberforce Island Chapter, Kingdom Tombra, nai tok so for the protest wey Nigeria Labour Congress do on Tuesday for Yenegoa, Bayelsa state.

Know say NLC dey waka for protest inside the knotri with ASUU and other union, cus of the way strike take dey for Nigeria university.

Tombra say “If dem do this law, e go make society beta and even epp the university sef for the kind moni wey go deg enta the system.

“This tin wey we dey fight nor be about govimet, but na against working class and the ones wey dey rule, as we dey so awa eye focus for the mata.

“If rich and poor go the same university or institution, I nor sure say strike go happen again as dem mind go dey the university and institutions.”

Na since February 14 nai govimet university for the kontri strike cus of the University Transparency and Accountability Solution (UTAS) wey go be the way govimet go take dey pay lecturers for university, but govimet neva gree sign am.

 

 

Share On:

Add a Comment

Your email address will not be published. Required fields are marked *