Dokitor and nurse wey nor come work, report am- Okowa wife

Delta state govinor wife and the founder of O5 Initiative, Dame Edith Okowa say make pipo report any nurse and dokitor wey nor dey gree come work, as the state govimet nor dey for any kind yeye play with pipo life.

Na for General Hospital for Bomadi on Wednesday nai she take tok so as dem dey open the 19th sickle cell clinic for Patani/Bomadi Fediral constituency.

The govinor wife say the last time wey she come Bomadi Hospital, she nor like wetin her eye see.

‚ÄúSince that time nai I dey disturb the komisiona of health and other pipo make dem make sure say change come this hospital. I dey happy say everytin don normalize, but nor be only that one, everybodi must make sure say the property nor scatter.”

Wey Mrs. Okowa dey tok about the free eye care, she say make politicians and pipo wey get moni make sure say the tin reach every bodi.

“Karey big light enta community, look for pipo wey eye really dey pain, bring dem make dem come take treatment, cus afta all this one and you still get blind pipo for your community, we go hold una.”

Share On:

Add a Comment

Your email address will not be published. Required fields are marked *