Dokitor don transplant pig heart for man bodi

Dokitor for USA don put pig heart for one David Bennett wey be 57 years bodi, this one na the first pesin for the world to get pig heart.

Dokitor say Mr Bennett dey okay afta three days wey dem do the seven hours operation for Baltimore.

According to BBC, to put the pig heart for the man nai be the last chance wey Mr Bennett get to take live, but dem neva sure how many years e go stay for life afta the transplant.

Wey the man dey talk, Mr Bennett say dem tell am say e go die or make hin do the operation.

“I know say e be one kind, but nai be the only choice wey I get.”

Dokitor for University of Maryland Medical Center gree make dem do the operation with support from US medical regulator to take save Mr Bennett.

He nor fit get human being heart cus dokitor say he health dey very poor nai make dem gree for animal own.

This one na many years wey the medical team don dey think about this and e go change pipo live for the world.

Share On:

Add a Comment

Your email address will not be published. Required fields are marked *