E don do, Supreme Court dey vex about Justice Odili’s house wey men enta

 

Yesterday nai Supreme Court tear rope afta security pipo break enta Justice Mary Odili house for Abuja on Friday.

The court pipo come dey warn, “Make una nor think say Nigeria judiciary nor fit do anytin, cause na the same teeth wey dog take dey play nai e take dey bite.”

For wetin the Director of Press and Information, Dr Akande Festus read, the court say e just show say, we still dey back and na big shame to go attack pesin wey nor know anytin.

“We shock when we hear say some kind okamuka pipo enta one of awi senior judge house, Justice Mary Peter Odili, on Friday 29th of October, 2021.

“The way the so called security pipo from govimet take enta the house, na just to come kill or injure their target dey their mind, but dem hide under say na search dem come for, which kind mumu search.

“We just dey vex for this kind yeye life wey e belike say na olden days, you just attack pesin wey don use her life dey serve her kontri.”

The court say, this one wey dem do just remind dem about 2016 October, na so dem still enta some judges house for night go scatter.

Make una get am for mind say, “Nigeria judiciary nai be the third arm of govimet for the kontri, make una respect am like that.

“Na so una go dey do court pipo anyhow for the kontri, we dey shout am now, e don reach we nor go take rubbish again”

“We don put leg down to know the ojuju wey cover face do this one and the resin why e do am.

“The same time, make Inspector General of Police dey put eye for the mata, and let everi bodi know who dey behind wetin happen.”

Even Senior Advocates of Nigeria (SAN), yesterday, say make Attorney General of the Federation (AGF) and Minister of Justice, Abubakar Malami, nor just fold hand dey look.

Govimet must talk who do this kind tin, this one na wetin Chief Solomon Awomolo epp others talk, as their bodi too dey peper dem.

 

Add a Comment

Your email address will not be published. Required fields are marked *