E go beta if you support Obi as president group tell Atiku

Pipo wey dey support Peter Obi for this  election wey go soon come, dey tell foma vice Presido Abubakar Atiku make hin cool down for the 2023 election and instead support foma govinor of Anambra State, Peter Obi.

Know say Atiku and Obi dey come outside as president under PDP.

For wetin PUNCH tori pesin eye see inside one  message wey the group write go give Atiku for April 19, 2022, dem say na to make every side equal.

Na the group Media and  Communications Committee members wey be, Prince Emeka Kalu, Alhaji Kabir Garba, Adigun Makanjuola, Mr Marcel Ngogbehei and Comrade Sani Saeed Altukry nai sign the message.

Dem tok say if Atiku give Obi chance, e dey epp save PDP and Nigeria, so that the ticket wey Atiku and Obi bin get for 2019 wey Nigeria pipo loss nor go happen again for 2023.

The group say the kind wahala wey the kontri dey like this ehen, na naw we nid beta hero wey go come really epp the Nation.

Dem come dey beg Nigeria pipo make dem nor do the same mistake wey dem do for 2015, and make e nor be say na some pipo dey wan wish anoda eight years of bad govimet again. And if the ticket of PDP go South East na beta shock e go put for APC bodi, wetin the group tok.

Share On:

Add a Comment

Your email address will not be published. Required fields are marked *