Electricity Workers Don Match Break For Dem Strike



Nigerian electricity workers don suspend the nationwide strike, wey make many part of the kontri nor get light.

The Union dem agree to stop the strike afta Minister of Labour and Employment, Senator Chris Ngige put bodi for the mata.

Ngige call emergency meeting between Fediral Govimet and electricity workers on Wednesday to cool down any issue wey dey boil.

Afta the four hours meeting, wey the president of NUEE, Comrade Jor Ajero dey tok with news pipo, hin say dem don tell dem to stop the strike.

Ajaero say e get hope say Fediral Govimet go do well concerning the issue wey don dey for many years.

He say dem go stop the strike and wait for two weeks as govimet tok to look the resin why dem dey vex.

While the President of SSAEC, Comrade Chika Ben say make pipo nor fear as dem go handle the mata before e comot from hand, and light nor go off for any part of the kontri.

Share On:

Add a Comment

Your email address will not be published. Required fields are marked *