The acting chairmo of People’s Democratic Party, PDP, for Udi local government area for Enugu state, SKB Ogbuagu don die.
Ogbuagu fall during one town hall meeting wen the governorship candidate of the party do for Ezeagu local government area.
According to tori,the town hall meeting don end and everybody dey go the reception wen the thing take happen.
Na once dem rush the acting chairmo go hospital where he con take die. Report say hin bin get asthma.
This incident happen on Thursday evening but by the time wen dem dey write this report, the party never give official statement.