Everton don appoint Sean Dyche, former Burnley oga as their new manager after dem sack Frank Lampard.
The club announce this one on Monday.
Dem be sack Lampard last week after he lose 10 games wen con put Everton for 19th position for the premiernleague tavble.
Dyche don sign two and half years contract until June 2025 for Goodison Park and him work na to carry Everton comot for the relegation zone.
When Dyche dey talk, he con say “Na big honor to become Everton manager. Me and my staff dey ready to help this great club come back on track,”
“I know how Everton fans get beta passion for this club and how this club dey precious to them. We dey ready to work and give them wetin dem want. E go start with sweat for shirt,effort and to get back to some of the key tinz wen Everton club don stand for for long time.”