Explosion For Tanker Don Kill And Destroy For Jos

 

 

 

One pesin don die and many property, plus motor, stores and even veterinary skool wey dey teach pipo how to take care of animal don burn on Thursday morning afta one tanker wey full with fuel fall for Polo roundabout for Jos North LGA.

The pesin wey die na the tanker driva and na inside gutter around where the tin take happen dem see the deadi bodi.

DSP Alfred Alabo, the tokpesin of Plateau State Police Command, confimate the mata but hin say he nor know how the accident bad reach but their men don go there.

Pesin wey karey eye see say the tanker just catch fire immediately e fall and fire service and police don dey the area.

Tori pesin say na around 5 for Thursday morning nai the tanker get accident come go run jam one filling station close to one veterinary skool.

 

 

Share On:

Add a Comment

Your email address will not be published. Required fields are marked *