The Spiritual Director of Adoration Ministry Enugu for Nigeria, Reverend Father Ejike Mbaka don tok come outside yesterday afta hin church pipo dey protest for adoration ground say dem not go gree why the Bishop go close the ministry.
Na yesterday nai the church pipo wey be youth pass, dey tell the Bishop of Enugu, Callistus Onaga say make hin comot from position as he go ban Catholic make dem nor go worship for Adoration Ministry again cus of wetin father Mbaka tok say Peter Obi dey stingy.
As dem dey say dem nor go gree some of the pipo karey leaves dey sing “Onaga Must Go.
Afta the mata happen, Mbaka write leta say hin nor know the pipo wey dey do uzobuuzobu, as the Bishop nai be the chief shepherd and hin still dey with the sheep.
The priest say hin dey obedient to the Bishop and make hin followers nor vex as Adoration Ministry go close for now, but make hin pipo still dey go mass as hin go still kwatinue to dey pray for dem.